Norbert SADOHOUNDE, prezidento de BOJE, ĵus informis nome de la tuta estraro, ke
„la elekta ĝenerala asembleo de BOJE okazos en Lokossa ene de la lernejo ‚CEG 2 LOKOSSA‘ je la vendredo, la 28-an de Februaro 2020, 10-a horo“
por renovigi la estraron de la Benina Organizaĵo de Junaj Esperantistoj.
Al ĉiuj rajtigitaj partoprenantoj kaj gastoj multan plezuron kaj sukceson!
• Cyprien Guiya kaj Athanase Eke
Saluton karaj legantoj!
Ni salutas vin el Benino. Ni invitas vin legi nian skribaĵon. Ni estas Guiya Cyprien kaj Eke Athanase, ni estis lernantoj el mezgrada lernejo, kie ni havis la ŝancon lerni Esperanton, danke al s-ro Latifou Gbadamassi, la nuna prezidanto de ABeE, la Landa Esperanto-Asocio de Benino. Post nia sukceso en la unua universitata diplomo (scienca diplomo), ni pasiiĝis pri agronomio (agrikulturo, bredado…).
La kialoj de nia pasio al agronomio estas: multaj personoj ne plu interesiĝas pri tio, kaj oni ne povas vivi sen agrikulturo, ĉar manĝo estas grava bezono. Oni ankaŭ devas konsideri, ke la popoloj kreskas, do ili pli bezonos manĝaĵojn; kaj finfine ni volas krei nian propran laborpostenon kaj entreprenon.
Tiam ni ekigis niajn studojn en tiu fako. Dum niaj studoj multaj profesoroj instruis al ni kiel plialtigi la produktokapablon per kemiaĵoj por fariĝi riĉaj. Tamen ni bone scias, ke uzado de tiuj kemiaĵoj estas danĝera ne nur por la homoj, sed ankaŭ por la medio, ĉar ili detruas la naturon. Malmultaj el ili kontraŭstaras tiun ideologion, kiu influas eĉ kelkaj el ni.
Pro tio ni decidas konigi tiujn danĝerojn kaj konsili homojn pri ekologiaj agrikulturo kaj bredado, kiuj estas sekuraj.
Ni volas uzi tiujn konojn por disvastigi Esperanton, ĉar hodiaŭ multaj personoj sin demandas, post la lernado de Esperanto, kion oni povas fari per ĝi, krom vojaĝi, interŝanĝi frate kaj amike. Laŭ ni ili pravas, ĉar per la angla, franca, germana… lingvoj oni povas esperi laborpostenon.
Por solvi tiun problemon, ni pensas, ke kreado de laborpostenoj per Esperanto povas fari, ke multaj personoj interesiĝos pri ĝi. Tiel oni povas pagi la lernadon de Esperanto kiel de aliaj lingvoj (ekzemple, la angla lingvo).
Estas pro tio, ke ni jam komencis la projekton ATE: Asocio de Terkulturistoj Esperantistaj, kiu interesas multajn homojn, samlandanojn kaj eksterlandanojn.
Ekzemple, Arlain la kongolandano, kiu estas kontenta pri la konsiloj, kiujn ni donis al li pri la biologia lukto.
Por fini ni dankas:
Dion, kiu donas al ni ideojn; ĉiujn, kiuj kuraĝigas nin, s-ron Adjé Adjévi, kiu konsilas al ni konigi tiun ideon dum la trejnado (TEJO-seminario en Kotonuo, oktobre 2016), s-inon Mireille, Emile Malanda… kaj aliajn, kiuj volas, ke tiu ideo efektiviĝu, Cédric Marchal, anon de TEJO, kiu ĉiam demandas, kiel evoluas la projekto, sen forgesi Bernard Gnancadja, la prezidanton de BoJE (benina sekcio de TEJO).
Ni dankas ĉiujn, kiujn ni ne povas nomi… Dio benu vin….
1. Ĝenerala laboro por la Planedo per terkulturado kaj bredado, ĝenerala laboro por Esperanto per Esperanto
2. Kreado de laborpostenoj per Esperanto kaj per terkulturado kaj bredado
3. Interŝanĝo de spertoj kaj informoj inter terkulturistoj bredistoj esperantistaj tra la mondo
4. Interŝanĝo de materialoj, semoj, iloj k.s.
5. Restado de iuj membroj ĉe la aliaj (ĉiam kun kontribuo en la kulturadaj kaj bredadaj laboroj)
1. Cyprien, la motoro de ATE, informas la partoprenintojn de la TEJO-seminario en Kotonuo oktobre 2016.
2. Kreo de Facebook-paĝo por informi la eblajn membrojn.
3. Kolekto de spertoj ĉe la paro, la tandemo Westermayer (DE) kaj Mramba Simba (TZ).
4. Mirejo Grosjean helpas per siaj multaj kontaktoj, ŝi diskonigas la informon pri la lanĉo.
5. Kreo de Faka Asocio ĉe UEA.
6. Diskonigo de la filmo «Demain» (morgaŭ) de Cyril Dion kaj Mélanie Laurent (2015), de la filmo «Solutions locales pour un désordre global» (Lokaj solvoj por tutmonda malordo) de Coline Serreau, de la filmo pri Wangari Muta Maathai (sub-tekstoj en Esperanto survoje al diskonigo).
Prezento verkita de Mirejo Grosjean, Athanase Eke kaj Cyprien Guyia
(Cyprien Guiya kaj Athanase Eke estas studentoj pri agrikulturo
en la nordo de Benino, kaj esperantistoj)
Kotonuo, 2016-10-05
Antaŭ kelkaj tagoj ABeE disvastigis tekston (vidu pli sube), al kiu la prezidanto de BOJE respondis jene:
Kara prezidanto,
mi legis kun intereso vian mesaĝon. Sed: La nuna estraro de Benina Organizaĵo de Junaj Esperantistoj kaŭzis neniun malordon en la Benina Esperantujo!
Kara gravulo, en via mesaĝo vi skribis, ke la gvidantoj de BOJE decidis, unuflanke, ke BOJE estas junulara sekcio de BEA kaj pro tio ĉesis kunlabori kun ABeE.
Lasu min klarigi al vi, ke la gvidantoj de BOJE neniam decidis, ke BOJE estas junulara sekcio de BEA, sed BEA-anoj male decidis unuflanke, ke BOJE estus junulara sekcio de BEA. Neniu ŝanĝis la statuton de BOJE cele, ke ni estas junulara sekcio de BEA. Nur la asembleo de BOJE rajtas decidi pri la statuto. „Respondo de BOJE al pamfleto de ABeE“ weiterlesen
libro Esperantujismo de GBEGLO Koffi
Esperantujismo – kia lango-noda vorto! Esperantujismo estas la titolo de libreto (kun nur 71 paĝoj) el la plumo de s-ano GBEGLO Koffi, eldonite de Monda Asembleo Socia en 2008. UEA rimarkas en sia libro-katalogo:
»Tre personaj vidpunktoj de Togolanda Esperantisto pri diversaj aferoj, ne nepre rilataj al Esperanto« (substreko ne en la originala teksto – ajp)
Tio similas iel al la rimarko pri Hamburgo en Retrospektivo de d-ro Ivo LAPENNA:
»Interpreto de la aŭtoro pri sia forlaso de UEA en 1974« (substreko ne en la originala teksto – ajp)
Kiu konas UEA-n kaj ĝian historion, tiu certe komprenas bone. UEA tute ne ŝatas kritikon, kritikantojn kaj kontraŭ-diron: »tre personaj vidpunktoj«, »interpreto de la aŭtoro«. La propagandaĵo de Kalle Kniivilä Krimeo Estas Nia ne ricevas tian averton. „Dankon, s-ano GBEGLO Koffi“ weiterlesen
ZINZINHEDO Luc
Unue mi volas klarigi la esprimon elmigrado. Migrado en nia senco estas translokiĝo de popoloj aŭ individuoj, kiuj iras de unu regiono al alia por tie setli (loĝigi sin). Kiam individuo A elmigras el sia lando por setli en alia lando, oni nomas tion elmigrado. Kiam fremdulo B setlas en lando C, oni parolas pri enmigrado.
Mi memoras, kiam mia kolego DANCHI Louis kaj mi partoprenis prelegon organizitan de GUIYA Cyprien. Tiu prelego havis la temon: Elmigrado sen pasporto.
Ni konstatas, ke Afrikanoj ofte celas kontraŭ-leĝe setli ekster siaj landoj ‒ en landoj, kiuj estas juĝataj, ke ili estus favoraj por riĉiĝi. Sen sufiĉaj rimedoj Afrikanoj iras ne-sekurajn vojojn, ofte per ŝipoj. Tiu ĉi risko-plena vojo kondukas kelkfoje al la celo, sed ĝi finas tro ofte en pereo: morto aŭ almenaŭ slaveco ekzemple en Libio. „Kion mi opinias pri la elmigrado de Afrikanoj“ weiterlesen
S-ano Andreas J. PENK, pro malforta sano, retiriĝos ĝis la 30a de Aprilo 2018 el ĉiuj siaj taskoj ĉi tie en la retejo de BOJE.
Li deziras al ĉiuj Esperantistoj en Benino multajn sukceson kaj plezuron.
Mi pledas por vasta kunlaborado fare de BOJE kun ĉiuj kluboj, solaj esperantistoj kaj aliaj interesuloj en Benino. Kaj ankaŭ kun kaj ABeE kaj BEA!
Kiel ĉiu, »kiu scias kaj uzas la lingvon Esperanto, tute egale por kiaj celoj«*, estas nomata Esperantisto, tiel ĉiu Esperantisto, ne grave, en kiu societo aktiva, estu ebla partnero por BOJE.
Ĉu Zamenhof kreis Esperanton, por ke la Esperantistoj spione observas unu la alian, por ke societoj de la Esperantistoj batalas unu kontraŭ la alian, por ke malpaco regu inter la Esperantistoj? Male! Li celis interfratiĝon kaj proksimiĝon inter la homoj. (pli multe) „Kunlaboru kun ĉiuj, kaj ABeE kaj BEA!“ weiterlesen
Mi legis kun intereso la raporton pri la kunsido en Cotonuo inter estraranoj de BEA kaj BOJE. (ĉi tie)
„Kelkaj rimarkoj pri la BEA-BOJE-kunsido en Cotonuo“ weiterlesen
Estimataj samideanoj, karaj amikoj!
Pasko estas jam proksime. Pasko estas la plej alta festo de la kristanoj. Ili festas, ke komencis nova epoko post la releviĝo de sia sinjoro Jesuo Kristo, Princo de la Paco.
La Biblio rakontas jenan:
„Kaj jen Jesuo renkontis ilin, dirante: Saluton. Kaj alveninte, ili ekprenis liajn piedojn kaj adorkliniĝis al li. Tiam Jesuo diris al ili: Ne timu; iru, diru al miaj fratoj, ke ili foriru en Galileon, kaj tie ili min vidos.“ (Mateo 28:9,10)
Estimataj membroj, karaj amikoj de BOJE,
antaŭ tri monatoj, nova estraro komencis labori. La plej multaj estraranoj devis unue lerni, kiel gvidi organizaĵon. Bedaŭrinde, ni ricevis nenian subtenon fare de la antaŭa estraro. Pro la mankantaj spertoj, ni estis subtaksintaj la problemojn pro diversaj loĝlokoj de la estraranoj, la ne sufiĉe bonan teĥnikan ekipaĵon kaj … ĝenerale mankantan monon.
Pro tio ni ankoraŭ laboras tre zamenhofece, do kun nur papero kaj krajono; ni uzas dankeme helpon fare de kelkaj amikoj kaj faras anstataŭ grandajn nur malgrandajn paŝojn. Nia engaĝo por Esperanto ofte helpas tamen trovi bonajn solvojn. „Resumo post la unuaj tri monatoj“ weiterlesen
BOJE 