Respondo de BOJE al pamfleto de ABeE

Antaŭ kelkaj tagoj ABeE disvastigis tekston (vidu pli sube), al kiu la prezidanto de BOJE respondis jene:

---

Kara prezidanto,

mi legis kun intereso vian mesaĝon. Sed: La nuna estraro de Benina Organizaĵo de Junaj Esperantistoj kaŭzis neniun malordon en la Benina Esperantujo!

Kara gravulo, en via mesaĝo vi skribis, ke la gvidantoj de BOJE decidis, unuflanke, ke BOJE estas junulara sekcio de BEA kaj pro tio ĉesis kunlabori kun ABeE.

Lasu min klarigi al vi, ke la gvidantoj de BOJE neniam decidis, ke BOJE estas junulara sekcio de BEA, sed BEA-anoj male decidis unuflanke, ke BOJE estus junulara sekcio de BEA. Neniu ŝanĝis la statuton de BOJE cele, ke ni estas junulara sekcio de BEA. Nur la asembleo de BOJE rajtas decidi pri la statuto.

Dankon, s-ano GBEGLO Koffi

libro Esperantujismo de GBEGLO Koffi

Esperantujismo – kia lango-noda vorto! Esperantujismo estas la titolo de libreto (kun nur 71 paĝoj) el la plumo de s-ano GBEGLO Koffi, eldonite de Monda Asembleo Socia en 2008. UEA rimarkas en sia libro-katalogo:

»Tre personaj vidpunktoj de Togolanda Esperantisto pri diversaj aferoj, ne nepre rilataj al Esperanto« (substreko ne en la originala teksto – ajp)

Tio similas iel al la rimarko pri Hamburgo en Retrospektivo de d-ro Ivo LAPENNA:

»Interpreto de la aŭtoro pri sia forlaso de UEA en 1974« (substreko ne en la originala teksto – ajp)

Kiu konas UEA-n kaj ĝian historion, tiu certe komprenas bone. UEA tute ne ŝatas kritikon, kritikantojn kaj kontraŭ-diron: »tre personaj vidpunktoj«, »interpreto de la aŭtoro«. La propagandaĵo de Kalle Kniivilä Krimeo Estas Nia ne ricevas tian averton.

Kion mi opinias pri la elmigrado de Afrikanoj

ZINZINHEDO Luc

Unue mi volas klarigi la esprimon elmigrado. Migrado en nia senco estas translokiĝo de popoloj aŭ individuoj, kiuj iras de unu regiono al alia por tie setli (loĝigi sin). Kiam individuo A elmigras el sia lando por setli en alia lando, oni nomas tion elmigrado. Kiam fremdulo B setlas en lando C, oni parolas pri enmigrado.

Mi memoras, kiam mia kolego DANCHI Louis kaj mi partoprenis prelegon organizitan de GUIYA Cyprien. Tiu prelego havis la temon: Elmigrado sen pasporto.

Ni konstatas, ke Afrikanoj ofte celas kontraŭ-leĝe setli ekster siaj landoj ‒ en landoj, kiuj estas juĝataj, ke ili estus favoraj por riĉiĝi. Sen sufiĉaj rimedoj Afrikanoj iras ne-sekurajn vojojn, ofte per ŝipoj. Tiu ĉi risko-plena vojo kondukas kelkfoje al la celo, sed ĝi finas tro ofte en pereo: morto aŭ almenaŭ slaveco ekzemple en Libio.

Alvoko: Donacu Esperanto-librojn – helpu Afrikajn samideanojn!

Pro multaj tre bonaj reakcioj al la alvoko Donacu Esperanto-librojn – helpu Afrikajn samideanojn! kaj demandoj de samideanoj, kien sendi la librojn, ni skribis al Afrika Komisiono de UEA pri helpo kontinuigi la iniciaton el nia sino kaj por baldaŭ ricevi kaj disvastigi la librojn inter Afrikaj samideanoj, al kluboj, kursoj kaj projektoj.

---

Al s-ano
Emile MALANDA, kunordiganto,
ĉe Afrika Komisiono de UEA
BJ – Lokossa/ Mono

 

DONACU EO-LIBROJN – HELPU AFRIKAJN SAMIDEANOJN

Estimata s-ano Malanda,

post la publiko kaj disvastigado de jena teksto kadre de afiŝo (vidu la al-donaĵon) …

alvoko: Donacu Eo-librojn – Helpu Afrikajn samideanojn!

DONACU EO-LIBROJN – HELPU AFRIKAJN SAMIDEANOJN

Ĉu vi konas tion? La datreveno de Via naskiĝo-tago estas jam proksima, sed Viaj familianoj kaj amikoj ne scias, kion donaci al Vi.

Antaŭ ol Vi devas denove danki por malbelaj ŝtrumpoj aŭ tukoj, malbonodoraj postrazaj locioj aŭ parfumoj, por senspritaj libroj aŭ por muziko, kiu jam troviĝas plurfoje en Via kd-bretaro, petu ilin donaci librojn do al Afrikaj samideanoj – en Via nomo.

Donacu Esperanto-librojn – Helpu Afrikajn samideanojn!

Donacu Eo-librojn! – Helpu Afrikajn samideanojn!

Socio-ekonomika situacio de Benino: Kie ni staras?

Luc Toni

Kiam ni analizas iom la evolucian kurbon de la Benina socio-ekonomika situacio, ni tre facile rimarkas, ke la afero evoluas de malbone al pli malbone.

Dudek jaroj antaŭe, la Benina popolo kriis pro malsato, mizero kaj bedaŭrinda vivo malgraŭ la fakto, ke ĉiu manĝis almenaŭ tri-foje tage, ĉiu surhavis kelkajn vestojn. Sed malgraŭ tio ni esperis ŝanĝon.

Male la nuna vivo en Benino estas pli komplika ol antaŭe. Malofte oni manĝas du-foje tage nun en nia socio. Escepte de la politikistoj, kiuj vivas eksterordinare lukse. Eĉ registaraj funkciuloj plendas. Kaj kiel estas eĉ la cirkonstancoj por vendistoj kaj metiistoj?

Miwanonvi je Tago de la Virinoj

Je la 8a de Marto virinoj de Miwanonvi (signifas: faru fratece) celebris Tagon de la Virinoj per komuna laborado favore al sia propra vilaĝo.

Mi ne nur fotis, mi reale kunlaboris, kion pruvas almenaŭ unu el la fotografaĵoj.

Diese Diashow benötigt JavaScript.

 

Mia unua teksto ĉi tie

Luc Toni

Saluton, karaj samideanoj de la paca lingvo Esperanto!

Antaŭ ĉio, mi honeste substrekas, ke mi ankoraŭ ne bone parolas Esperanton.

Mi nomiĝas Luc ZINZINHEDO, naskiĝis la 18an de Oktobro 1995 en Porto Novo. Naskita de patro juvelisto kaj patrino vendistino en Porto Novo (ĉefurbo de Benino).

Nun mi estas studanto de la tria jaro en Nacia Universitato pri Agrokulturo UNA (Université National d’Agriculture) en la urbo Kétou.

Per tiu ĉi teksto mi volas ĝuste bonhumorigi vin pri Esperanto

Afrika Komisiono de UEA serĉas kunlaborantojn

Gazetara Komuniko de UEA n-ro 726 de la 19a de Februaro 2018 informas, ke UEA planas plue evolui Oficejon de Afrika Komisiono de UEA. UEA nun serĉas kunlaborantojn inter la Afrikaj samideanoj.

La ideala kandidato, tiel la Gazetara Komuniko, estu responsa, diligenta, laborema, kreema, sperta pri uzado de interreto kaj komputilo, povu rapide tajpi, havu altan lingvo-nivelon, talenton organizi kaj kapablon harmonie labori kun aliaj personoj.

Koruptemaj helpantoj

En Twitter iu publikigis jenajn informojn:

La salajroj de direktoroj de diversaj Germanaj organizaĵoj de la sociala prizorgado. Ili diligente kolektas monon inter blankuloj – laŭdire por helpi ekzemple malsatajn infanojn en Afriko.

Sed la estroj de ĉi tiuj organizaĵoj kondukas senhonte sufiĉe grandan parton de la mondonacoj por la plej malriĉaj homoj de la mondo en la proprajn poŝojn.

Koruptemo anstataŭ altruismo.