IJK 2018 en Badajoz (Portugalujo)

Inter la 4a kaj 11a de Aŭgusto okazos la 74a IJK de TEJO en la Hispana urbo Badaĥozo (Badajoz) – tuj post la UK en Lisbono, ĉefurbo de Portugalujo.

La kongresejo de la 74a IJK estos la ejo Rucab, studentloĝejo de la universitato, kies retpaĝon vi povas viziti ĉi tie. TEJO publikigis jenajn fotografaĵojn de la estonta kongresejo.

kongresejo

manĝejo

ludejo

ĉambro

naĝejo en parko

gimnastikejo

Semajno de Internacia Amikeco

Ne forgesu la ĉi-jaran Semajnon de Internacia Amikeco (SIA), de la 18a ĝis 24a de Februaro!

SIA estas Esperanto-promocia kaj paco-kontribua internacia aranĝo en Esperantujo, kiu okazas la lastan plenan semajnon en Februaro, iniciatita de la fama Sveda Esperantisto Erik CARLÉN. Unua-foje realiĝis inter la 16a kaj 22a de Februaro 1969. Inkludas diversajn aktivaĵojn cele al pli-firmigo de amikaj internaciaj kontaktoj kaj popularigo de Esperanto. (fonto: Gvidlibro tra Esperantio, de Aleksandro S. MELNIKOV)

Intervjuo kun estrarano Athanase EKE

estrarano Athanase EKE

S-ano Athanase EKE, mi estis petinta vin pri intervjuo. Dankon, ke vi akceptis mian peton!

Vi havas 21 jarojn, vi vivas en Toviklin, vi studas agro-kulturadon, sed devis por-tempe inter-rompi la studadon. Vi havas nek edzinon nek gefilojn. Ĉu ĝuste ĝis nun?

Jes, ĝuste.

Kiam vi aŭdis ion pri Esperanto? Kial vi decidis paroli Internacian Lingvon kaj engaĝi vin kadre de la Esperanto-movado? Vi scipovas jam la lingvojn Adja-gbé, Anglan, Fon-gbe, Francan kaj Mina.

Mi ekis la lernadon de Esperanto en Junio 2010 cele havi multajn geamikojn en la tuta mondo, fariĝi parto de granda monda familio kune kun miaj samideanoj kaj zorgi pri niaj komunaj kaj individuaj celoj.